Shumë arsye për të vizituar Tiranën

Tirana është qendra kulturore, ekonomike dhe administrative e Shqipërisë. Gjithashtu edhe njerëzit janë shumë miqësor, kurse jeta e natës është shumë e gjallë

Kryeqyteti shqiptar, Tirana po lulëzon në vitet e fundit dhe kjo ka ndikuar që edhe shumë turistë të vijnë për ta vizituar. “driftersguidetotheplanet.com”, jep shumë arsye për të vizituar kryeqytetin shqiptar, përcjell albinfo.ch.

Tirana është qendra kulturore, ekonomike dhe administrative e Shqipërisë. Gjithashtu edhe njerëzit janë shumë miqësor, kurse jeta e natës është shumë e gjallë. Faqja ndërkombëtare përmend edhe vendet që mund t’i vizitoni në Tiranë.

Sheshi Skënderbeu është një arsye shumë e mirë për të vizituar këtë qytet me statujën e heroit kombëtar, Gjergj Kastriotit Skënderbeut, e rrethuar nga Xhemia Et’hem Beut, pastaj Sahat Kulla. Sheshi Skënderbeu është zemra e Tiranës.

Kohët e fundit është hapur ‘Bunk’Art’, për të treguar kohën e komunizmit dhe diktatorit Enver Hoxhës. Në Tiranë është edhe Piramida, e vetmja piramidë që gjendet në Shqipëri.

Lagja Blloku është një lagje joshëse dhe popullore të mbushur me bare, restorante dhe kafene. Vend i përsosur për një natë në Tiranë.

Parku i madh i liqenit gjithashtu është një vend relaksues. Pastaj është Muzeu Historik Kombëtar & Galeria Kombëtare e Arteve. Dajti Ekspres (teleferiku), ku keni një pamje të mrekullueshme të qytetit. Ajo zgjat vetëm 15 minuta, prandaj sigurohuni që të shijoni çdo sekondë të saj.