Kosova
Shuarja e familjes Bllaca, detaje të rënda nga skena e krimit
Një familje në Gjilan është shuar krejtësisht, duke shënuar kështu një nga krimet më të rënda që kanë ndodhur ndonjëherë në Kosovë. Gazeta Express merr vesh se në momentin kur policja e Kosovës vrau prindërit dhe dy vëllezërit e saj, njëri prej tyre ishte në gjumë. Tek secila viktimë ajo kishte shkrepur së paku nga dy plumba. Gazeta Express sjell detaje të rënda për krimin e pesëfishtë që ndodhi dje në familjen Bllaca.
Në secilin cep të shtëpisë dykatëshe në lagjen “Bujanina” të Gjilanit, pasditen e 18 shkurtit u gjet nga një viktimë. Në atë shtëpi u vranë katër anëtarët e familjes Bllaca. Krimi i rëndë, sipas organeve të hetuesisë kosovare, tashmë është konfirmuar se u krye nga vajza e vetme e familjes Bllaca, Valdetja, e cila kishte qenë edhe zyrtare policore në Policinë Rajonale të Gjilanit.
Por, detajet e e ngjarjes me pesë viktima ende kanë mbetur misterioze.
Gazeta Express ka siguruar informacione rreth mënyrës se si u gjetën pesë anëtarët e vdekur të familjes Bllaca në Gjilan.
Në bazë të hetuesve të Policisë së Kosovës, të cilët dje kanë qenë në vendin e ngjarjes, të vrarët ishin në pjesë të ndryshme të shtëpisë.
Sipas informatave të Gazetës, njëri nga vëllezërit Bllaca dyshohet se u vra në dhomën e gjumit në katin e dytë të shtëpisë, ku jetonin familja Bllaca. Ai, aty u gjet pa shenja jete. Tjetri djalë i familjes Bllaca u gjet i shtrirë në korridorin e shtëpisë.
Ndërkohë që njollat e gjakut kishin përfshirë thuajse të gjithë shtëpinë. Krimin e rëndë, policja e Kosovës, Valdete Bllaca dyshohet se e vazhdoi në dhomën e ndejës, aty sipas burimeve gjendej babai i saj 70-vjeçar, të cilin e vrau e bija.
E vdekur në ambientet e kuzhinës së shtëpisë u gjet edhe nëna e Valdetes, 64-vjeçare.
Por, Valdete Bllaca pas vrasjes së katër anëtarëve të familjes kishte qënduar për disa orë afër kufomave të tyre. Më pastaj brenda derës hyrëse të shtëpisë së saj ajo dyshohet se i dha fund jetës së saj.
“Kishte kufoma gjithandej. Që nga kati i dytë i shtëpisë e deri në dhomën e ndejës”, e kanë përshkruar ambientin e shtëpisë hetuesit që kanë qenë brenda saj.
Tek secila viktimë kishte së paku dy plumba të shkrepur.
Por, motivi i kësaj ngjarjeje të rëndë ende nuk dihet. Tashmë ka të dhëna se autorja është trajtuar te psikologu. Autopsia e trupave pritet të përfundojë sot. Për ceremoninë e varrimit pritet të vendoset brenda ditës së sotme.
E-Diaspora
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim Ai u dënua me 8 muaj burg (shtesë) për tentim shantazhimi. T30-vjeçari ishte duke vuajtur dënimin...
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
-
Gjon’s Tears në intervistë për median zvicerane, flet për Kosovën
-
Bizneset nga diaspora vizitojnë “Shtëpinë e Kosovës”
-
Shqiptari diplomon në Columbia University në Nju Jork
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri