Shtrenjtohet sërish nafta në Kosovë

@pixabay

Në Kosovë vetëm gjatë 24 orëve të fundit është rritur deri në 3 centë çmimi i naftës.

Një ngritje e tillë e derivateve për një periudhë kaq të shkurt kohore po shihet e dëmshme nga një ekonomist.

E pjesën kryesore të fajit, Musa Limani po ia lë strukturave shtetërore, raportojnë mediat vendore, përcjell Albinfo.ch.

Ekonomisti tjetër, Enver Blakaj, ka dilema edhe në cilësi, por edhe në sasi, që konsumatorët e derivateve marrin në pompat e benzinës.

“Shteti nuk është duke bërë asgjë, pasi së pari litra nuk është litër. Ne e paguajmë, por vjen më pak dhe shteti duhet të bëjë testime për kualitet të tij”, tha Blakaj.

Sipas Blakajt, çdo rritje mbi 1 euro e 20 cent për litër dëmton jashtë mase xhepin e qytetarëve, por edhe bizneset, në veçanti gastronominë dhe bujqit.