Shtrenjtohen taksat rrugore në Kroaci

Taksat rrugore nga Zagrebi deri në Split dhe anasjelltas kushtojnë pak më shumë se 50 euro, ndërsa në vende të tjera aq kushton vinjeta vjetore.

Pas rritjes së çmimit të taksave rrugore, banorët e Kroacisë u bëjnë thirrje turistëve që të mos përdorin autostradat, por të njohin bukuritë natyrore të vendit duke përdorur rrugët magjistrale, shkruan Index.hr, përcjell albinfo.ch.

Sipas  mediave kroate nga rritja e çmimeve të taksave rrugore përfitojnë zyrtarët e shtetit në kurriz të taksapaguesve dhe tremben turistët të cilët në të vërtetë kontribuojnë në ekonominë e vendit.

Qytetarët mendojnë se rritja e çmimeve të taksave ka ardhur si rezultat i punësimit të militantëve partiak, si dhe ngjyrosja e panevojshme e mureve e tuneleve, të cilat kushtojnë miliona kuna.

Taksat rrugore nga Zagrebi deri në Split dhe anasjelltas kushtojnë pak më shumë se 50 euro, ndërsa në vende të tjera aq kushton vinjeta vjetore.

Index.hr këshillon turistët të përdorin rrugë alternative. Shumica e rrugëve magjistrale në Kroaci kalojnë pjesët më të bukura të vendit.