BE-ja pajtohet me masat mbrojtëse ndaj koronavirusit në udhëtim ajror

Foto ilustrim

Shtetet e Bashkimit Evropian kanë rënë dakord mbi masat e detyrueshme, siç janë distancimi social dhe bartja e maskave ​​për fytyrë në aeroplanë dhe aeroporte për të ndihmuar në frenimin e përhapjes së koronavirusit, tha ministri gjerman i Transportit, Andreas Scheuer, të enjten.

“Unë jam i kënaqur që propozimi gjerman u pranua nga kolegët e mi në nivelin evropian dhe që ne mund të pajtohemi për këto standarde uniforme”, tha Scheuer në një konferencë.

Masat e dakorduara përfshijnë mbrojtjen përmes mbajtjes së maskës nga pasagjerët nga gjashtë vjeç dhe distancën sociale në aeroporte gjatë kontrolleve të sigurisë dhe kontrollit.

Ministria gjermane e Transportit tha se marrëveshja ishte arritur nga zyrtarët dhe duhej të ishte aprovuar zyrtarisht nga ministrat, shkruan “Reuters”, përcjell albinfo.ch.