E-Diaspora
Shqiptari vdes në duart e policisë italiane
Familja e tij, nëpërmjet avokatit Enzo Lepre, paraqiti një ankesë, sepse janë të bindur se pavarësisht gjendjes së tij të rënduar, vdekja u shkaktua nga policët që morën pjesë në aksionin për ndalimin e tij.
Një 44-vjeçar shqiptar ka humbur jetën në terminalin e aeroportit të Malpensas në Milano të Italisë. Viktima është 44 vjeçari shqiptar, Aldo Laçi, raporton “Repubblica.it”, përcjell albinfo.ch.
Raportohet se ai ishte nën ndikimin e kokainës dhe bënte veprime të pakontrulluara, ndaj policët e aeroportit e ndaluan.
Ndërkohë, familjarët pretendojnë se vdekja nuk ka ardhur nga lënda narkotike, por nga agresioni i policëve, ndaj kanë kërkuar hetime të thelluara në lidhje me këtë rast.
Laçi, kishte shkuar me pushime në Itali. Teksa ndodhej në terminalin 1 të aeroportit duke pritur bashkëshorten, policët përpiqen ta ndalojnë atë. Në fund, pesë oficerë e bllokojnë. Në këtë moment 44-vjeçari ndjehet keq dhe pëson arrest kardiak, shkruan “Repubblica”.
Edhe në video shihet derisa pesë persona zyrtare e arrestojnë atë.
Familja e tij, nëpërmjet avokatit Enzo Lepre, paraqiti një ankesë, sepse janë të bindur se pavarësisht gjendjes së tij të rënduar, vdekja u shkaktua nga policët që morën pjesë në aksionin për ndalimin e tij.
“Nga videokamera duket qartë se pasi Aldo Laçi u godit për herë të parë në kokë, pastaj në qafë, u hodh në tokë dhe më pas në mënyrë të përsëritur policët e grushtuan”, është shprehur avokati i familjes shqiptare.
Ndërkohë, prokuroria ka thënë se nuk ka fakte, se vdekja ka ardhur nga policët, dhe ka kërkuar mbylljen e këtij rasti, por jo edhe familja që pretendon të ankohet.
E-Diaspora
-
Osmani: Mërgata, urë lidhëse mes Kosovës e Zvicrës Presidentja e Kosovës, Vjosa Osmani, ka pritur në takim ndihmës sekretaren e shtetit dhe shefen e...
-
Floriani 10 vjeçar bën selfie me Xhakën, i kushtoi babait të tij 2600 franga
-
Detaje nga rasti kur një shtetas nga Kosova vrau pronarin e biznesit në Dyseldorf
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
Jeta në Austri
-
Austri: Përmbledhje e lajmeve të fundit të ditës së sotme Innsbruck me kryebashkiak të ri, SPÖ e qendrës së majtë zbulon planin për të financuar propozimin...
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja