Integrimi
Shqiptarët nga Zvicra “zbulojnë” Kosovën si vend për të investuar
Sot, pjesëtarë të brezit të dytë, e zbulojnë Kosovën si vend për të udhëhequr veprimtari biznesi. Ata ngrenë ndërmarrje të vogla, të cilat pastaj rriten me sukses dhe synojnë drejt një zhvillimi të qëndrueshëm
Pjesëtarë të brezit të ri të diasporës kosovare dëshirojnë që të kontribuojnë me diçka në atdheun e tyre të vjetër. Qoftë me Call Center, vende pune për novatorë të rinj ose për dizajn mode- të gjitha këto nisma synojnë stabilitet në një vend i cili pret të sigurojë një siguri ekonomike. Kështu thuhet në hyrje të njoftimit për emisionin e radios së transmetuesit publik të Zvicrës, SRF, i cili do të emetohet më 23 shtator në valët e kësaj radioje.
Në vitet `70 të shekullit të kaluar shqiptarët e Kosovës vinin si gastarbajterë, transmeton albinfo.ch. Më vonë,, kur në vitet `90 gjatë konfliktit të Kosovës situata në vend po bëhej kritike, shumë prej tyre i morën edhe familjet me vete. Disa u kthyen mbrapa , por shumica gjetën në Zvicër atdheun e tyre të përhershëm. Marrëdhëniet transnacionale në mes të Zvicrës dhe Kosovës janë të shumanshme. Migracioni lidh vendin e prejardhjes me atë të pranimit.
Sot, pjesëtarë të brezit të dytë, e zbulojnë Kosovën si vend për të udhëhequr veprimtari biznesi. Ata ngrenë ndërmarrje të vogla, të cilat pastaj rriten me sukses dhe synojnë drejt një zhvillimi të qëndrueshëm.
Dy gazetarët e srf, Susane Hefti dhe Philippe Erath tregojnë në këtë emision se si migracioni krijon shanse për këmbim dhe bashkëpunim. Ata po ashtu raportojnë lidhur me gjendjen ekonomike të atjeshme, dhe diskutojnë me njerëz nga diaspora për çështjen e nacionalitetit dhe përkatësisë.
Autorët e emisionit më tutje raportojnë se shkalla e papunësisë në Kosovë është rreth 45 për qind ndërsa tek të rinjtë edhe më e lartë. Kushtet bazë të vështira, situata e pasigurt politike dhe shumë pengesa në qasjen me tregun e BE-së ua vështirësojnë investitorëve të angazhohen në Kosovë, përcjell albinfo.ch. Por, megjithatë ka shpresë.
Philippe Erath analizon gjendjen ekonomike në Kosovë, në bashkëbisedim me Anita Schlüchter nga Ministria e Jashtme e Zvicrës (EDA) dhe me Vllaznim Xhihën, ndërmarrës i njohur në Zvicër dhe në Kosovë.
Pjesëtarët e diasporës kosovare në vazhdimësi përballen me sfidën mbi përkatësinë, gjegjësisht identitetin e tyre. A ekziston dëshira për të pasur një nacionalitet të shprehur qartë ose a mund të shpjegohen pyetjet lidhur me identitetin më shumë përmes idesë së përkatësisë së dyfishtë?
Lidhur me këtë pikë gazetarët kanë folur me Vjosa Gërvallën nga portali i lajmeve albinfo.ch, bën të ditur srf.ch
E-Diaspora
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen Derisa procesi i regjistrimit të popullsisë në Kosovë ka hyrë në javën e fundit, kryeministri Albin...
-
ASK: Mbi 1.4 milionë qytetarë të regjistruar, mbi 400 mijë nga diaspora
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë