Shqipëria në mesin e destinacioneve për vitin 2019

Foto ilustrim

Gazeta belge “Het Laatste Nieuws”, ka vendosur Shqipërinë në një renditje të nëntë destinacioneve verore për vitin e ardhshëm duke e krahasuar me vende si Japonia, Zelanda e Re, Kanadaja, Sri Lanka dhe ishujt e mrekullueshëm të Paqësorit.

Kushdo që mendon për një destionacion turistik popullor, me siguri nuk mendon për Shqipërinë shkruan gazeta. Madje me shumë mundësi as nuk e dini se ku ndodhet me saktësi ky vend.

Megjithatë ia vlen të vizitohet, të paktën sipas “Lonely Planet”.

“Shqipëria është dhe mbetet një vend ku mund të shëtisësh dhe të shijosh pamjen e bukur të maleve të pabanuar. Mund të kalosh natën në fshatra të vogla ku koha ka ndaluar, ose të vizitosh kryeqytetin plotë jetë, Tiranën, pa harxhuar shumë para”, thekson “HLN.be”.

“Lonely Planet” ka renditur Shqipërinë në 10 destinacionet me të mira për nga shpenzimet, ose në listën e destinacioneve në rritje për të cilat nuk duhet të shpenzosh shumxë.