Shqipëria fillon sot regjistrimin e popullsisë, dënime për ata që nuk përgjigjen

foto/wikipedia

Nga dita e sotme, në Shqipëri do të fillojë regjistrimi i popullsisë dhe banesave. Me këtë rast, do të mësohet numri i saktë i shtetasve shqiptarë, sa meshkuj e sa femra, sa të arsimuar dhe jo, si dhe informacione të tjera, shkruan TCH.

Për këtë proces, mbi 7 mijë e 500 persona do të dalin në terren për të grumbulluar të dhëna të detajuara, ndërsa qytetarët do të duhet të plotësojnë një formular, ku kërkohet informacion i detajuar, i cili duhet të plotësohet me korrektësi.

Qytetarët do të kontaktohen në telefon për të lënë takim me grupet regjistruese dhe për ata të cilët nuk do t’i përgjigjen me korrektësi këtij procesi, do të ketë dënime.

Dënimet variojnë nga 50 deri në 100 mijë lekë, përcjell albinfo.ch.

Procesi i grumbullimit të dhënave zgjat 6 javë dhe për herë të parë të dhënat do të grumbullohen në mënyrë digjitale, çka do të lehtësojë dhe do të përshpejtojë procesin e përpunimit të tyre.

Ndryshe, ky proces përsëritet një herë në 10 vjet.