Shqipëria
Shqipëria bëhet pjesë e sistemit evropian të pagesave, përfitime në remitenca
Shqipëria 65% të volumit të tregtisë së jashtme dhe pothuajse 90% të remitancave i ka me vendet e Bashkimit Evropian
Si pjesë e Planit të Rritjes, Shqipëria ka marrë dritën e gjelbër nga Komisioni Evropian që të bëhet pjesë e sistemit evropian të pagesave.
Kjo do të thotë tarifa më të ulëta për transaksionet mes institucioneve financiare të Unionit Evropian. Banka e Shqipërisë dhe aktorë të tjerë të qeverisë kanë vijuar punën për të plotësuar kërkesat rregullatore. Ky projekt pritet të kalojë në disa faza, shkruajnë mediat shqiptare, përcjell albinfo.ch.
“Anëtarësimi në SEPA i Shqipërisë dhe institucioneve financiare nënkupton transaktimin financiar ndërkufitar jashtë vendit, si në transaksione pritëse ashtu dhe dërguese, me tarifa njësoj si të ishin transaksione brenda vendit. Në 2024-ën ne presim të kemi përpiluar dhe dorëzuar zyrtarisht kërkesën për anëtarësimin në SEPA”, tha Ledia Bregu, drejtoreshë e sistemit të pagesave BSH.
Për ekonominë shqiptare integrimi në sistemin evropian të pagesave është një mundësi që ndihmon shumë sektorë, individë dhe biznese.
“Remitancat është një nga fushat ku pritet të ketë një ndikueshmëri goxha të lartë, së bashku me import-eksportet ku këtu lidhen bizneset dhe individët, pro njëkohësisht dhe me pjesën e turizmit. Në terma të ardhurash, familjet shqiptare të cilat remitancat i kanë burimin e dytë të të ardhurave do të kenë më shumë të ardhura në dispozicion dhe do jenë më të pasur. Import-eksport do kenë ndikim të drejtpërdrejtë sepse Shqipëria është e varur nga tregtia me vendet e BE dhe integrimi në SEPA do të sjellë një mënyrë më të thjeshtë për transaksionet e pagesave për eksportet. Nga një studim paraprak vlerësohet se do të kursehen 14 milionë euro që në vitin e parë të anëtarësimit në SEPA”, theksoi Bregu.
Shqipëria 65% të volumit të tregtisë së jashtme dhe pothuajse 90% të remitancave i ka me vendet e Bashkimit Evropian. Mundësia e aplikimit në sistemin evropian të pagesave është një mundësi që i jepet vetëm vendeve anëtare të Unionit, por KE në një lëvizje historike ia dha dritën jeshile dhe vendeve të Ballkanit Perëndimor për të afruar më shumë rritjen ekonomike dhe integrimin e vendeve.
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?