Shqipëria
Shqipëria bëhet gati për zgjedhjet lokale
Në Shqipëri është mbyllur fushata e partive politike për zgjedhjet lokale.
Partia Socialiste zhvilloi tubimin e fundit të fushatës në Durrës. Kryeministri Edi Rama deklaroi se projektet e zhvillimit turistik dhe ekonomik kanë nevojë për mbështetje me vota në pushtetin vendor.
“Bëhet fjalë për të ardhmen dhe një potencial të jashtëzakonshëm, dhe nevojitet më shumë punë dhe energji, që ta vëmë në shërbim të komunitetit. Ne u themi të gjithëve që të votojnë për kandidatët tanë, se ata punojnë për të ardhmen”, tha ai, shkruan Zëri i Amerikës.
Partia Demokratike e mbylli fushatën me një tubim në kryeqytet. Kryetari i saj, Enkelejd Alibeaj, tha se PD ka kaluar vitin e fundit periudhën më të vështirë të saj. “Trekëndëshi i së keqes u mundua me të gjitha mjetet, mediatike, financiare dhe kriminale për të ndaluar në rrugën e saj Partinë Demokratike, por ne nuk u stepëm aspak dhe nuk u dekurajuam për asnjë moment”, u shpreh ai, përcjell albinfo.ch.
Koalicioni “Bashkë Fitojmë” po ashtu e përfundoi fushatën në Tiranë. Kryetari i Partisë së Lirisë, pjesëtare e koalicionit, Ilir Meta, deklaroi se me zgjedhjet vendore e 14 majit do të ndahet nga një regjim monist dhe i korruptuar i kryeministrit Rama.
“Rama u përpoq të rrotullonte fushatën rreth emrit të tij dhe u përpoq të shmangte llogaridhënien. Rama është kryeministri më i dështuar, dhe ka qenë edhe basketbollist i dështuar”, tha ai. Ndërkohë, Sali Berisha u shpreh se koalicioni “Bashkë Fitojmë” po u bën thirrje qytetarëve të reflektojnë për gjendjen ekonomike, me çmimet gjithnjë në rritje, për listat e gjata të borxheve nëpër shitore.
Presidenti i Republikës, Bajram Begaj, u bëri thirrje qytetarëve që të votojnë me përgjegjësi dhe të zgjedhin përfaqësuesin e tyre në pushtetin vendor, pasi kanë dëgjuar prej disa javësh propozime dhe platforma nga më të ndryshmet. “Vota juaj është thelbësorja. Tani të gjithë duhet të heshtin, sepse ju do të flisni. Zgjedhjet vendore ju japin mundësinë për të përmirësuar hapësirën e drejtpërdrejtë të jetesës”, shkruan Zëri i Amerikës.
Të dielën Shqipëria voton për kryetarët dhe këshillat e 61 bashkive të vendit. Këto zgjedhje opozita pritet të kthehet në institucionet e pushtetit vendor pas katër vjet mungese për shkak të bojkotit në zgjedhjet e vitit 2019. Gjatë kësaj periudhe socialistët drejtuan pothuaj gjithë bashkitë e vendit, përcjell albinfo.ch.
Të tjera nga Shqipëria
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri