Shqipëria
Shqipëri: Ekonomia do të rritet në vitet 2022-2023, sipas parashikimit të KE-së
Ekonomia shqiptare do të njohë rritje deri në nivelin prej 2.7% gjatë këtij viti. Ndërsa vitin e ardhshëm ajo do të arrijë deri në 3.1%. Këtë parashikim jep Komisioni Evropian për vendin tonë në raportin e tij të Pranverës, publikuar ditën e sotme.
Sipas këtij raporti, ekonomia shqiptare gjendet nën ndikimin e luftës në Ukrainë, edhe pse në mënyrë indirekte, pasi realisht nuk është drejtpërdrejt e ekspozuar ndaj saj apo Rusisë.
“Kostoja e lartë e subvencioneve dhe rritja e mbështetjes sociale që pritet për vitin 2022 do ta vonojnë rënien e konsiderueshme të deficitit, në 2.7% e Prodhimit të Brendshëm Bruto, deri në vitin 2023, kur raporti i borxhit është parashikohet të ulet në 70.9% të tij”, pohojnë ekspertët evropianë, mbi ndikimet konkrete që do të ketë kjo luftë te financat tona.
E megjithatë, ata besojnë se ekonomia shqiptare do të shënojë një rritje progresive. Për Komisionin Evropian, faktorët kryesorë që do ta ndihmojnë atë janë dërgesat e emigrantëve, por edhe niveli i shtuar i shërbimeve.
Pa harruar as sektorin e turizmit, për të cilin thuhet se ishte pikërisht rikthimi i tij, i cili e çoi rritjen ekonomike të Shqipërisë deri në nivelin prej 8.5% gjatë vitit të kaluar.
Në fund, Komisioni Evropian nuk përjashton as rrezikun që mund t’i paraqitet ekonomisë vendase nga importi i energjisë elektrike, referuar reshjeve të pakta këtë fillimviti.
“Në këtë rast, do të rritej fatura e importit të energjisë elektrike dhe përveç zgjerimit të deficitit tregtar, mund të mbingarkohej edhe buxheti publik”, pohojnë ekspertët evropianë./Euronews.al
Të ngjashme
Të tjera nga Shqipëria
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
SHKA “Dardania” nga Winterthuri do të marrë pjesë në festivalin folklorik “Hasi Jehon”
-
Kevin Sekniqi, shqiptari i radhës i përfshirë në renditjen e prestigjiozes Forbes
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Austri
-
Bora zbardh Austrinë Austria sot është mbuluar nga bora.Mediat raportojnë se në vendet malore, reshjet kanë qenë më të...
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa