Shpëtohen 233 refugjatë afrikanë

Ata me një anije kishin mbërritur nëpër detin e trazuar në mbrëmjen e të mërkurës në afërsi të bregut të Sirakuzës

Marina italiane ka arritur të shpëtojë 233 refugjatë kryesisht afrikanë në brigjet e Sicilisë. Ata me një anije kishin mbërritur nëpër detin e trazuar në mbrëmjen e të mërkurës në afërsi të bregut të Sirakuzës, ka njoftuar marina.

Në bord kishte refugjatë nga Eritrea, Nigeria, Somalia, Zambia dhe Mali, shkruan news.ch.

Gjatë vitit të kaluar është trefishuar numri i refugjatëve të cilët nga Afrika e Veriut përmes Detit Mesdhe ia kanë mësyrë brigjeve italiane. rreth tre muaj më parë, pranë brigjeve të Lampeduzas kishin gjetur vdekjen më shumë se 300 refugjatë afrikanë.

Kjo tragjedi ka bërë që autoritetet italiane dhe ato të BE-së të ashpërsojnë masat për vëzhgimin e flukseve të refugjatëve, për të parandaluar ardhjen e tyre masive dhe për të shpëtuar ata që gjenden në vështirësi gjatë mësymjes së brigjeve italiane.

Lufta qytetare në Siri dhe trazirat në Bririn Afrikan janë disa nga shkaktarët e shtimit të numrit të refugjatëve në Evropë.