Lajme
Shkolla shqipe “Scanderbeg” në Parma organizoi takimin kulturor për Kosovën
Me rastin e 12-vjetorit të Pavarësisë së Kosovës, shkolla shqipe ‘Scanderbeg’ në Parma organizoi takimin kulturor me temën: Bashkëbisedim rreth Kosovës, shkruan albinfo.ch.
Një pasdite tematike shumë e këndshme me nxënësit, mësuesit dhe prindërit. U diskutua rreth Kosovës nga lashtësia deri në ditët e sotme. Shkolla jonë ka organizuar shumë takime ndër vite për Kosovën, ku kanë folur nxënësit, kanë folur mësuesit dhe kjo e këtij viti ishte e veçantë për faktin që u krye në formën e një bashkëbisedimi: nxënës-mësues-prindër.
Prindërit kujtuan ngjarje dhe kuriozitete lidhur me Kosovën, me historinë dhe traditat e popullit shqiptar. Njohuritë e prindërve për Kosovën janë të kufizuara edhe për vetë faktin që në kohën e socializmit informacionet mbi Kosovën ishin pothuajse të papërfillshme.
Pjesën e prindërve e plotësuan nxënësit tanë me njohuritë mbi Kosovën, janë njohuri që i kanë mësuar gjatë vitit shkollor. Me ndihmën e mësuesve të shkollës të pranishëm në aktivitet Durimi Lika, Elona Marika, Elvira Lashi, Mimoza Cerri, Nertila Dervishi, Sabrije Kulla dhe Zamira Shkurti, u bë një pasqyrë multimediale me pyetje, përgjigje për etapat kryesore të historisë së Kosovës, të gjeografisë dhe karakteristikave kryesore të saj, të kulturës dhe traditave, të lidhjes së përjetshme me tokën amë.
Takimi ishte emocionues, sepse secili plotësonte tjetrin, ku në plan të parë doli përgatitja e shkëlqyer e nxënësve tanë. Nxënësit tanë Enki Xhepa dhe Pamela Qosja recituan vjersha për Pavarësinë e Kosovës. Në fund të aktivitetit, prindi Drini Avrami shpërndau disa çanta artizanale shkolle, ku secili nxënës në orën e pikturës mund t’i ngjyrosë sipas dëshirës. /Albinfo.ch
Të ngjashme
Të tjera nga Lajme
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj