Lajme
Shkencëtarët eliminojnë suksesshëm virusin HIV nga qelizat e infektuara
Shkencëtarët thonë se kanë eliminuar me sukses virusin HIV nga qelizat e infektuara duke përdorur teknologjinë “Crispr” e editimit të gjeneve, e cila ka fituar edhe një Çmim Nobel.
Kjo teknologji bën punën e gërshërëve, por në nivel molekular dhe arrin të presë ADN-në, duke bërë të mundur çaktivizimin ose shkëputjen e saj.
Pas kësaj prove të suksesshme, shkencëtarët shpresojnë që të arrijnë të pastrojnë trupin e njeriut tërësisht nga virusi, edhe pse do të duhet ende punë për të vërtetuar që kjo mënyrë është e sigurt dhe e efektshme.
Mjekimet e deritanishme për virusin HIV, që shkakton SIDA-n, mund ta ndalojnë përparimin e virusit, por jo ta eliminojnë atë.
Ekipi i Universitetit të Amsterdamit që prezantoi testimin gjatë një konference mjekësore këtë javë, theksoi se puna e tyre është ende në fazat e para dhe se do të duhet kohë për t’u bërë kura e HIV-it.
Edhe shkencëtarë të tjerë po përpiqen të përdorin këtë teknologji kundër HIV-it. Kompania Excision BioTherapeutics thotë se pas 48 javësh, 3 vullnetarë me HIV që i janë nënshtruar kësaj ndërhyrjeje nuk kanë shfaqur efekte të rënda anësore.
Megjithatë, studiues të tjerë të kësaj çështjeje thonë se do të jetë tepër sfiduese për këtë teknologji që të sulmojë të gjitha qelizat e infektuara. Shqetësime janë ngritur edhe për efektet anësore afatgjata.
Virusi HIV sulmon qelizat e sistemit imunitar dhe i përdor për t’u shumëfishuar. Edhe nëse një i sëmurë i nënshtrohet trajtimit mjekësor dhe disa persona janë shpallur “të shëruar plotësisht”, virusi nuk zhduket, por qëndron i fshehur në ADN, në gjendje të fjetur.
Shumica e njerëzve të infektuar marrin ilaçe antivirale përgjatë gjithë jetës dhe nëse i ndërpresin, virusi mund të rizgjohet dhe të shkaktojë sërish probleme.
E-Diaspora
-
Dr. Cristiana Lucchetti: Shqipja, gjuha më e rëndësishme e origjinës në Zvicër “Përmes kërkimit tim do të doja të rris ndërgjegjësimin për shqipen si gjuha më e rëndësishme...
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
-
Amerikë
Piloti i parë shqiptar i Forcave ajrore amerikane: Me krenari e mbaj uniformën
-
Zvicër
Ardon Jashari, me çmimin “Safp Golden Eleven” si mesfushori më i mirë në Zvicër
Jeta në Austri
-
80 vjedhje, 560 mijë euro dëm: Arrestohen katër shqiptarë në Austri Sipas policisë, në shumicën e vjedhjeve të banesave, viktimat kanë qenë të pranishëm dhe në gjumë...
-
Austri: Ministri i Brendshëm kërkon dëbimin në Kosovë të kriminelëve nga vendet e treta
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri