Lajme
Shkalla e ulët e inteligjencës “shpëton” 25-vjeçarin nga dëbimi në Kosovë
Ai ka një shkallë të inteligjencës prej vetëm 70 IQ dhe konsiderohet si personalitet i papjekur. Gjykata tregoi mirëkuptim dhe gjykoi në përputhje me rrethanat
Lista e mashtrimeve të kryera nga një 25-vjeçar kosovar është e gjatë. Për shembull, ai kishte krijuar disa llogari në aplikacionin SBB me emra dhe adresa të gjetur në librin dixhital të telefonave. Pastaj ai i ka kthyer ato në adresa e-mail dhe kështu ishte në gjendje të blinte bileta dhe të udhëtonte në gjithë Zvicrën – gjithnjë në klasin e parë.
25-vjeçari po ashtu porosiste artikuj në internet me emra të rremë. Për të gjitha këto atij iu desh të përgjigjej të hënën në Gjykatën e Qarkut në Winterthur, shkruan “Tages-Anzeiger”.
Në procesin gjyqësor prokurorja e ka cilësuar sjelljen e të akuzuarit si keqdashëse, të guximshme dhe dëshmi për energjinë kriminale. Ajo ka kërkuar 36 muaj burg dhe dhjetë vjet dëbim nga vendi, transmeton albinfo.ch. Diçka e paimagjinueshme për të akuzuarin: “Një dëbim nga vendi do të ishte një fatkeqësi për mua”, ka thënë i riu, i cili në moshën trevjeçare e gjysmë qe larguar nga Kosova me familjen e tij. Ai nuk ka lidhje me Kosovën, nuk ka familje atje dhe “mezi flet shqip”.
Terapi në vend të burgut
Në Zvicër ai kishte pasur probleme me shkollën dhe nuk kishte mbaruar as shkallën e arsimit profesional. Në vend të kësaj, ai kishte ndjekur rrugën e gabuar. 25-vjeçari ka një shkallë të inteligjencës prej vetëm 70 IQ dhe konsiderohet si personalitet i papjekur, përcjell albinfo.ch. Kështu, kryetari i gjykatës tregoi mirëkuptim dhe gjykoi në përputhje me rrethanat.
Sepse: I akuzuari ishte treguar më i përgjegjshëm, kishte bërë të gjithë takimet për psikoterapinë e përshkruar deri më tani, nuk kishte bërë mashtrime për dy vjet e gjysmë dhe tashmë kishte shlyer një pjesë të dëmit financiar.
Për këtë arsye, nuk ka dëbim nga vendi për mashtruesin. Në vend të kësaj, ai merr një dënim me 36 muaj burgim, nëntë muaj nga të cilët janë të detyrueshëm, transmeton albinfo.ch. Meqenëse e ka shërbyer tashmë, është i lirë. Ai duhet të bëjë edhe pesë vjet terapi.
Të ngjashme
Të tjera nga Lajme
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
SHKA “Dardania” nga Winterthuri do të marrë pjesë në festivalin folklorik “Hasi Jehon”
-
Kevin Sekniqi, shqiptari i radhës i përfshirë në renditjen e prestigjiozes Forbes
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Austri
-
Bora zbardh Austrinë Austria sot është mbuluar nga bora.Mediat raportojnë se në vendet malore, reshjet kanë qenë më të...
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa