Shkalla e tolerancës, 0.1 promil alkool në gjak

Kjo vlen për shoferët profesionistë, ndjekësit e kurseve për patentshoferë dhe disa kateori tjera

Me vendimin më të ri të Këshillit Federal, nga një janari i vitit 2014 do të hyjnë në fuqi masa të reja të cilat pritet të shtojnë nivelin e sigurisë në komunikacionin rrugor. Masat në fjalë parashohin që shoferët profesionistë, të posamësiarit, nxënësit që ndjekin autoshkollën dhe shoqëruesit e këtyre të fundit, nuk guxojnë të kenë më shumë se 0.1 promil alkool në gjak.

Një masë tjetër shtesë kërkon nga ngasësit e automjete të ndezin dritat në mënyrë të detyrueshme edhe gjatë ditës.

Në një pako masash në kuadrin e programit për sigurinë në rrugë “Visa Sicura” qenë vendosur rregulla të ashpërsuara sa i përket ngasjes së shpejtë e të papërgjegjshme. Mirëpo, pasi që kantonet e kanë zvarritur jetësimin e këtyre rregullave, Qeveria Federale ka shpallur ndërkohë edhe pakon e dytë të masave.