Shkakton aksident dhe e zë gjumi të qetë

Dy vozitës të dehur është dashur t’i dorëzojnë patentat e shoferit, natën në mes së enjtes e të premtes, pas aksidenteve që i kanë shkaktuar personalisht, në Biessenhofen dhe Arbon.

Sipas njohurive të deritanishme të Policisë Kantonale të Thurgaut, një vozitës 37-vjeçar, rreth orës 23:30 ka qenë duke drejtuar veturën në rrugën “Weinfelderstrasse” nga Biessenhofeni në drejtim të Erlenit, shkruan policia zvicerane, njofton Albinfo.ch.

Për shkaqe ende të panjohura, ai del nga rruga duke goditur një barrierë dhe më pas ndalet në një shpat livadhi teposhtë. Për fat të mirë, ai ka kaluar pa pasoja dhe pas kësaj e zë gjumi sikur të mos kishte ndodhur asgjë.

Një dëshmitar i kujdesshëm e ka alarmuar policinë. Pasi policia ia nuhati kundërmimin e alkoolit shtetasit nga Maqedonia, por nuk kanë mundur t`i bëj test për konstatimin e alkoolit, Prokuroria e Bischofszellit ka urdhëruar provë të gjakut.