Lajme
Shifrat alarmante, KE forcon ligjet kundër abuzimit me të miturit
Shifrat janë të frikshme. Vetëm në vitin 2021, në mbarë botën u raportuan 85 milionë foto ose video që tregonin fëmijët të binin pre e abuzimeve seksuale. Për të luftuar fenomenin, që u përkeqësua gjatë pandemisë, Komisioni Evropian propozoi të mërkurën forcimin e ligjeve të tij.
“Raportimet për foto dhe video të fëmijëve të abuzuar në territorin e Bashkimit Evropian është rritur me 6 mijë për qind në 10 vjetët e fundit. Sa u takon materialeve të raportuara globalisht, 90% e rasteve janë verifikuar brenda BE-së”, thotë Ylva Johansson, komisionere e BE-së për Punët e Brendshme.
Me propozimet e tij, Komisioni kërkon të lëvizë nga një sistem zbulimi vullnetar i përmbajtjeve ilegale në një procedurë të detyruar. Ofruesit e internetit dhe platformat digjitale do të duhet të monitorojnë rrezikun e keqpërdorimit të shërbimeve të tyre.
Kompanive do t’u duhet të konstatojnë dhe të raportojnë materiale të tilla në një qendër të re evropiane, dedikuar luftës ndaj abuzimit seksual të të miturve. Përmbajtje të tilla duhen hequr sa më parë të jetë e mundur. Grupet e të drejtave të fëmijëve mirëpritën masat.
“Po jetojmë në një kohë dhe epokë kur fëmijët po lidhen me internetin në një moshë shumë të vogël. Aktualisht po e shohim në Belgjikë, por në fakt, është një fenomen botëror trendi i rënies së moshës së përdorimit të smarphone-ve nga 12 në 8 vjeç. Kjo ka një impakt të madh mbi mënyrën se si fëmijët merren me internetin dhe mënyrën se si ata duhet të shmangin rreziqet”, shprehet Niels van Paemel, nga shoqata Child Focus.
Sidoqoftë, ofruesit e internetit dhe platformat po ngrenë shqetësime për privatësinë. Komisioni bën thirrje për përdorimin e të gjitha mjeteve për adresimin e këtyre problemeve./Euronews.al
Të ngjashme
Të tjera nga Lajme
E-Diaspora
-
Arrestohen këngëtarët shqiptarë në një “Bajram party”, në Zvicër Bastisjen e ka konfirmuar edhe Policia Kantonale e Cyrihut. Sipas zëdhënësit Roger Bonetti, janë arrestuar gjithsej...
-
Shtetasja zvicerane arrestohet në Viti për shkak të kërcënimeve
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
Jeta në Austri
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku Lidhja Demokratike e Kosovës organizon takim informues me Eurodeputetin Lukas Mandi, kandidat në zgjedhjet EU2024 që...
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa
-
Lukas Mandl kërkon votën e shqiptarëve në Austri
-
Kapet pas disa vitesh vjedhësi serik shqiptar, “e tradhtojnë” këpucët
-
Dy të vdekur nga orteku në Austri