Shefi i BE-së në Kosovë kërkon që zgjedhjet në veri të mbahen sa më shpejt

Shef i Zyrës së Bashkimit Evropian në Kosovë, Tomas Szunyog ka njoftuar se është takuar sot me Ministrin për Administrim të Pushtit Lokal, Elbert Krasniqin, për të folur rreth zgjedhjeve në veri.

Szunyog thotë se zgjedhje të reja duhet të mbahen sa më shpejt në katër komunat veriore, Mitrovicë e Veriut, Leposaviq, Zubin Potok dhe Zveçan. Ai thotë se ato duhet të jenë gjithëpërfshirëse dhe duhet të sigurohet pjesëmarrja e plotë e serbëve lokalë.

“Diskutuam për zgjedhjet e parakoshme në veri të Kosovës me Ministrin Elbert Kransiqi. U përsërit se zgjedhjet e parakohshme duhet të organizohen sa më shpejt që munden, në katër komunat, në mënyrë plotësisht gjithëpërfshirëse me pjesëmarrjen e plotë dhe të pakushtëzuar të serbëve të Kosovës”, thuhet në njoftimin e publikuar në Twitter./Albinfo.ch/