SHBA shpall bllokadë ndaj porteve iraniane nga e hëna

Komanda Qendrore e SHBA-së ka bërë të ditur se duke filluar nga e hëna në orën 10:00 (sipas kohës lindore), do të vendoset një bllokadë ndaj trafikut detar që hyn dhe del nga portet e Iranit. Sipas raportimit të BBC, kjo lëvizje vjen pasi bisedimet mes SHBA-së dhe Iranit, të zhvilluara të shtunën në Pakistan, përfunduan pa marrëveshje, ndonëse armëpushimi mbetet në fuqi.

Presidenti amerikan Donald Trump ka paralajmëruar edhe bllokimin e Ngushticës së Hormuzit, duke theksuar se kjo do ta detyrojë Iranin të rikthehet në tryezën e negociatave dhe të bëjë lëshime ndaj SHBA-së.

Ndërkohë, Irani ka reaguar duke deklaruar se nuk i frikësohet këtyre kërcënimeve, por njëkohësisht ka lënë të hapur mundësinë për arritjen e një marrëveshjeje.