SHBA sanksionon edhe 3 persona nga Ballkani

SHBA ka vendosur sanksione ndaj tre individëve që përbëjnë një kërcënim për sundimin e ligjit, stabilitetin rajonal dhe aspiratat e atyre që kërkojnë qeverisje funksionale demokratike në Bosnje dhe Hercegovinë.

Departamenti i Thesarit sanksionoi Osman Mehmedagiç, ish-drejtorin e Përgjithshëm për Agjencinë e Sigurisë së Inteligjencës të BiH-së.

Mehmedagic keqpërdori një kompani telekomunikacioni në pronësi të qeverisë për të mirën e partisë së tij, Partisë për Veprim Demokratik (SDA) . Gjithashtu ka informacione të besueshme se Mehmedagic ka bashkëpunuar me rrjete kriminale për pasurime personale dhe partiake, transmeton euronews përcjell albinfo.ch.

Një tjetër i sanksionuar është Dragan Stankoviç, Drejtor i Administratës për Çështjet Pronësore. Stankoviç ishte përgjegjës për një përpjekje flagrante për të uzurpuar autoritetin e shtetit të BiH mbi pronën shtetërore kundërshtim me vendimet e Gjykatës Kushtetuese të BiH.

Përpjekjet e Stankoviçit për të miratuar këtë legjislacion antikushtetues pasqyrojnë pretendime të rreme të bëra nga Presidenti i RS Milorad Dodik dhe udhëheqës të tjerë të RS në lidhje me këtë.

Edin Gacanin, një shtetas i BiH dhe një nga trafikantët më famëkeq të narkotikëve në botë, gjithashtu është sanksionuar nga SHBA.

Përveç përpjekjeve për trafikimin e narkotikëve nëpër vende të shumta, karteli i Gacanin është i përfshirë në pastrim parash dhe është i lidhur me Grupin e Krimit të Organizuar Kinahan, i cili më parë ishte caktuar nga Thesari për rolin e tij si një organizatë e rëndësishme kriminale transnacionale.

---