Lajme
SHBA ofron 10 milionë dollarë shpërblim për informacionet e intelegjencës ruse
Shtetet e Bashkuara ofruan të martën një shpërblim deri në 10 milionë dollarë për informacion mbi gjashtë persona që i përshkruan si oficerë të inteligjencës ushtarake ruse, të cilët kishin kryer sulme kibernetike që preknin infrastrukturën kritike të SHBA-së.
Gjashtë oficerët punojnë në një njësi kibernetike të Drejtorisë kryesore të Inteligjencës të Rusisë dhe janë përfshirë në një sulm global kibernetik në vitin 2017 që infektoi kompjuterët e disa entiteteve private të SHBA-së, duke përfshirë një sistem spitalor, tha Departamenti i Shtetit i SHBA-së.
Sulmi kibernetik “NotPetya” i vitit 2017 dëmtoi pjesë të infrastrukturës së Ukrainës dhe kompjuterë në vende anembanë globit, duke përfshirë Francën, Gjermaninë, Italinë dhe Shtetet e Bashkuara, duke shkaktuar miliarda dollarë dëme.
Shpërblimi me 10 milionë dollarë do të jepet për këdo që ka informacionin që çon në “identifikimin ose vendndodhjen e çdo personi të kërkuar nga SHBA-ja”, transmeton tch, përcjell Albinfo.ch.
Ndërkohë po të martën, Rusia liroi ish-marinsin amerikan Trevor Reed, i cili mbahej në paraburgim që nga viti 2019, në këmbim të pilotit rus Konstantin Yaroshenko, i cili po vuante një dënim 20-vjeçar në Shtetet e Bashkuara, tha Ministria e Jashtme e Rusisë.
Presidenti amerikan, Joe Biden dhe Sekretari i Shtetit, Antony Blinken, përshëndetën lirimin e zotit Reed dhe thanë se po punonin për të liruar një tjetër shtetas amerikan që mbahet në Rusi, Paul Whelan.
30-vjeçari Reed nga Teksasi u dënua në vitin 2019, pasi sipas akuzës ai kishte vënë nën rrezik jetën e dy policëve në Moskë, ndërsa ishte në gjendje të dehur. Ndërsa rusi Yaroshenko është një pilot i dënuar për konspiracion për kontrabandë kokaine. Ai u arrestua nga forcat speciale të SHBA-së në Liberi në vitin 2010.
E-Diaspora
-
400 mijë të regjistruar përmes platformës e-diaspora Teksa Kosova ka hyrë në ditët e funfit të procesit të regjistrimit të popullsisë është rritur...
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Shqiptari shpallet studenti më i mirë i policisë së Nju-Jorkut për 2024-ën
-
Osmani u drejtohet bizneseve amerikane në Teksas: Investoni në Kosovë
Jeta në Austri
-
Çfarë duhet të dini për supermarketet në Austri? Austria ka një përzgjedhje të gjerë të supermarketeve cilësore, por ka disa dallime kryesore rajonale për...
-
Çfarë lejohet të bëjnë fëmijët vetëm sipas ligjit austriak?
-
Si mund t’i zgjidhë Vjena “problemet e saj të imigracionit”?
-
Edhe Austria i kërkon Qeverisë së Kosovës draft-statutin në këmbim të anëtarësimit në KiE
-
Austria kualifikohet në finale të Eurovizionit