Shaqiri: Dua pozicionin e Robben-it

Lojtari kosovaro-zviceran, i cili mundet të luajë në disa pozicione, thotë se nuk do ta pranojë rolin e rezervistit

Xherdan Shaqiri e synon pozicionin e kolegut të tij të madh, Ariel Robben në FC Bayern. Ai, ashtu i drejtpërdrejtë siç është dhe pa modesti të rrejshme, në një deklaratë pë gazetën gjermane “Sport Bild” ka thënë: “Natyrisht, ai është konkurrent imi, unë do të luaja me dëshirë në pozicionin e mesfushorit të djathtë”.

20 vjeçari, i cili mundet të luajë në pozicionet e mesfushorit ofensiv, të djathtë, të majtë ose qendër, nuk do ta pranojë rolin e rezervistit. “Nëse do të tregoj rezultatin për të cilin unë jam i aftë, unë do të luaj. Jam i bindur për këtë”, ka thënë për gazetën gjermane Xherdan Shaqiri, për shërbimet e të cilit FC Bayern i ka paguar FC Baselit rreth 12 milionë euro.

Ndërkohë, në një ndeshje testuese të bajernit kundër një skuadre të Trentinos, Itali, ku bavarezët po i bëjnë stërvitjet, FC Bayern ka fituar 11 me 0. Asnjërin nga golat nuk e ka shënuar Shaqiri.