Sërish qyteti i Bazelit lejon lypësit në hapësirat publike

Lypësit janë të mirëpritur në parqet e Bazelit

Që nga viti 2021, Basel-City ka kufizuar kryesisht lypjen në hapësirat publike, pasi një numër i madh lypsash nga Rumania shkaktuan një debat të nxehtë politik, përcjell albinfo.ch.

Aq shumë, saqë qyteti filloi t’u jepte lypsarëve një kupon udhëtimi për në një destinacion evropian, me kusht që të pranonin të largoheshin dhe të mos ktheheshin në Zvicër.

Kantoni miratoi gjithashtu një ndalim të pjesshëm të lypjes brenda pesë metrave nga stacionet e autobusëve dhe dyqaneve, si dhe në parqe.

Megjithatë, të enjten Gjykata Federale, autoriteti më i lartë gjyqësor i Zvicrës, hoqi ndalimin e lypjes në parqe publike, duke vendosur se një ndalim i tillë është ‘disproporcional’, veçanërisht nëse lypësit nuk kërkojnë në një mënyrë që është shqetësuese për publikun.

---