Serbët e veriut, kundër bashkimit të Mitrovicës

Serbët e veriut të Mitrovicës kanë protestuar për ta kundërshtuar bashkimin e qytetit. Protestuesit kanë shpalosur disa pankarta, ku shkruhej:  “Nuk e japim Veriun”, “Serbia kujdeset për serbët e saj”.

Kryetari i Listës serbe, Goran Rakiq, ka thënë se po synohet okupimi i Trepçës, por tha se nuk do të dorëzohen dhe do të vazhdojnë të jetojnë në veri, pasi për këtë kanë mbështetjen e presidentit serb, Aleksandar Vuçiq, përcjell albinfo.ch.

Protestueseve u është drejtuar edhe drejtori i spitalit, Milan Ivanoviqi, i cili ka thënë se kjo është protestë qytetare kundër idesë së aneksimit të veriut. Ivanoviq, më tutje, ka thënë se nuk do të lejojnë marrjen e Ujmanit e Trepçës.

Ndërsa, për të shtunën është paralajmëruar të mbahet një protestë kundër Aleksandar Vuçiqit.