Sekretari amerikan i Shtetit, vizitë të paparalajmëruar në Irak

Blinken

Sekretari amerikan i Shtetit, Antony Blinken, gjatë ditës së sotme ka qëndruar për vizitë të paparalajmëruar në Irak, ku është takuar me kryeministrin irakian, Mohammed Shia al-Sudani, në Bagdad, shkruan albinfo.ch.

Gjatë qëndrimit të tij ai ka vizituar edhe Ambasadën e Shteteve të Bashkuara të Amerikës, prej ku ka zhvilluar konferencë për sigurinë mbi kërcënimin ndaj objekteve amerikane, përcjell Reuters.

Vizita e Blinken konsiderohet se ka ndodhur mes shqetësimit që zyrtarët amerikanë kanë përcjellë vazhdimisht kundër përfshirjes së palëve të tjera në konfliktin në Izrael, pasi pas sulmit të Hamasit më 7 tetor, grupet përfaqësuese të mbështetura nga Irani kanë rritur sulmet që synojnë trupat amerikane në Irak dhe Siri.

“Ne duhet të vazhdojmë të parandalojmë përshkallëzimin e këtij konflikti, përhapjen e tij në zona të tjera. Shtetet e Bashkuara kanë dhe ne do të vazhdojmë t’u përgjigjemi sulmeve nga përfaqësuesit e Iranit për të mbrojtur personelin tonë në rajon, personelin që është këtu në Irak dhe Siri për të ndihmuar në parandalimin e rilindjes së ISIS. Ne do të bëjmë atë që është e nevojshme për të penguar dhe, siç thashë, për t’iu përgjigjur çdo sulmi”, ka thënë ndër të tjera ai.