Seferi i gatshëm për meçin ndaj serbit Dushan Kristin

“Jam i përgatitur deri në maksimum dhe ndjehem në formë shumë të mirë”, u shpreh Nuri Seferi

Boksieri shqiptar, Nuri Seferi është shprehur i gatshëm për njërin nga duelet më interesante dhe më të rëndësishme në karrierën e tij. Seferi ka bërë matjen zyrtare para meçit ndaj serbit Dusan Krstin. Ky meç zhvillohet më 21 maj në Olten të Zvicrës, shkruan albinfo.ch.

“Të dashur miq edhe pse nuk shkoj gjithçka mirë në dy ditët e fundit pasi qe isha i përgatitur për një kundërshtar tjetër, Federata e Boksit të Bullgarisë nuk i dha leje boksierit Yavor Marinchev që të ndeshet me mua në ditën e shtunë. Siç theksova edhe më lartë edhe pse i përgatitur isha për një kundërshtar tjetër kjo befasi e fundit aspak nuk më pengon. Jam i përgatitur deri në maksimum dhe ndjehem në formë shumë të mirë”, ka shkruar Nuri Seferi në “Facebook”. Ai si gjithmonë ka kërkuar përkrahjen e tifozëve shqiptarë.

Por, kundërshtari i tij serb në gjoksin e tij ka një tatuazh të Ratko Mlladiqit dhe kjo e motivon edhe më shumë Seferin. “Duket që as Mlladiq që ka në gjoks nuk do ti kryej punë”, ka shkruar Seferi.