Lajme
Sa para fiton një YouTuber me 1 milion ose më shumë abonentë?
Tejkalimi i shifrës së 1 milion abonentëve në YouTube është një moment historik i madh dhe, në terma praktike, shpesh nënkupton që një krijues mund të fitojë “paratë për jetesë” nga platforma.
Krijuesit e YouTube fitojnë para në disa mënyra, por paratë nga reklamat që shfaqen në videot e tyre zakonisht përbëjnë një pjesë të madhe të të ardhurave të tyre, shkruan Business Insider.
Për shembull, vë në pah mediumi në fjalë, Andrei Jikh, një YouTuber financash me 1.7 milionë abonentë, ka fituar 1.6 milionë dollarë të ardhura nga reklamat në më pak se tre vjet.
Një tjetër YouTuber, krijuesja e stilit të jetesës, Tiffany Ma, fiton deri në 11,500 dollarë në muaj nga reklamat në videot e saj, tha ajo për Insider.
Për të filluar të fitojnë para direkt nga YouTube, krijuesit duhet të kenë të paktën 1000 abonentë dhe 4000 orë shikimi gjatë vitit të fundit.
Pasi të arrijnë atë prag, ata mund të aplikojnë për Programin e Partnerëve të YouTube, i cili i lejon ata të fillojnë të fitojnë para nga kanalet e tyre përmes reklamave, abonimeve dhe anëtarësimeve në kanal.
Për çdo 1000 shikime reklamash, reklamuesit paguajnë një tarifë të caktuar në YouTube. YouTube merr 45% të të ardhurave dhe krijuesi merr pjesën tjetër.
Dy treguesit kryesorë për të fituar para në YouTube janë shkalla e CPM-së, ose sa para paguajnë reklamuesit në YouTube për 1000 shikime të reklamave dhe norma e RPM, që është sa të ardhura fiton një krijues për çdo 1000 shikime video.
Por “të ardhurat nga reklamat për kriptovaluta janë shumë më të larta se çdo gjë tjetër që lidhet me financat, si kartat e kreditit apo bankat”, ka thënë Jikh për Insider.
Ndërsa përmbajtja e stilit të jetesës së Ma sjell më pak para, ajo ka përsosur një strategji për të maksimizuar këtë, përcjell Telegrafi.
Shumë nga këta krijues fitojnë para edhe jashtë YouTube.
Graham Stephan, i cili ka 3.4 milionë abonentë, lansoi markën e tij të kafesë, për shembull.
Por paratë e bëra drejtpërdrejt nga YouTube përbëjnë një shtyllë kryesore të të ardhurave të shumë krijuesve.
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Cila është vaksina e rriqrave në Austri dhe a duhet ta merrni atë? Me rritjen e temperaturave dhe fillimin e sezonit të rriqrave, cila është vaksina e Austrisë ndaj...
-
Si të mos ‘përplaseni’ nga një tren austriak i mbipopulluar?
-
Çfarë më lejohet të bëj në ballkonin tim në Austri?
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?