Sa është numri i të papunëve në Zvicër?

Shkalla e papunësisë shënon rënie në qershor në nivelin më të ulët në dy vjetët e fundit

Në fund të qershorit, 133.603 persona u regjistruan si të papunë në qendrat rajonale të punës RAV në Zvicër. Kjo është 5524 të papunë më pak se në qershor 2016. Aktualisht, shkalla e papunësisë ishte 3.0 për qind, njofton Sekretariati Shtetëror për Çështjet Ekonomike, SECO. Në qershor të vitit 2016, papunësia ishte 3.1 për qind, shkruan albinfo.ch.

Papunësia e të rinjve ka shënuar ulje për 848 persona në qershor, në 14.108 persona. Krahasuar me vitin paraprak, kjo korrespondon me një rënie prej 1683 personash.

Në prill janë regjistruar 3249 raste të humbjes së të drejtës për kompensim nga fondi i papunësisë.