Rusi: Vritet blogeri rus që raportonte për luftën në Ukrainë

Twitter: LogKa

Një shpërthim në një kafene të Shën Petersburgut të dielën vrau blogerin e njohur ushtarak rus, Vladlen Tatarsky. Ai e ka mbështetur publikisht sulmin kundër Ukrainës. Autoritetet thanë se si pasojë e sulmit në qytetin e dytë më të madh në Rusi, u plagosën edhe 16 persona, shkruan Zëri i Amerikës, përcjell albinfo.ch.

Mediat ruse nuk raportojnë që dikush ka marrë përgjegjësinë për sulmin, por përmendin një person që hyri në kafene me një mjet shpërthyes. Ministria e Brendshme ka deklaruar se do të hetohen të gjithë të pranishmit në kafene në kohën e shpërthimit, përcjell albinfo.ch.

Mediat ruse njoftojnë se blogeri ushtarak Tatarsky kishte shkuar në atë kafene për të takuar një pjesë të ndjekësve të tij. Sipas raporteve, një grua i dhuroi atij një kuti me një statujë, e cila me sa duket ishte mjet shpërthyer. Takimi ishte organizuar nga një grup nacionalist rus, i cili tha se kishte marrë masa paraprake sigurie, por që “rezultuan si të pamjaftueshme”, shkruan Zëri i Amerikës, përcjell albinfo.ch.

Blogeri Tatarsky ka raportuar rregullisht nga Ukraina dhe Kremlini. Ai kishte mbi 560 mijë ndjekës në kanalin e tij në Telegram. Ai njihej për retorikën e tij pro-luftës. Pasi Rusia shpalli aneksimin e katër rajoneve të Ukrainës vitin e kaluar, ai postoi një video ku thoshte se “ne do t’i mposhtim të gjithë, do t’i vrasim të gjithë, do të grabisim kë të duam. Gjithçka do të bëhet siç duam ne”, shkruan Zëri i Amerikës, përcjell albinfo.ch.