Sport
Rusët nuk i japin vizën Zhegrovës për shkak të pasaportës së tij kosovare!
Me këtë, lojtari i shquar do të mungojë në ndeshjen për Ligën e Europës FC Basel - Krasnodar që luhet nesër në Krasnodar, Rusi
“Rusët i thonë “njet” Zhegrovës”. Këtë titull mban artikulli i publikuar sot në gazetat zvicerane Tages Anzeiger, Basler Zeitung etj. që merret me ndërhyrjen e politikës në sport. Është e qartë pra: Rusia ia mohon vizën për hyrje shtetasit kosovar dhe lojtarit të FC Basel-it, e të Kombëtares kosovare Edon Zhegrovës. Me këtë, lojtari i shquar do të mungojë në ndeshjen për Ligën e Europës FC Basel – Krasnodar që luhet nesër në Krasnodar, Rusi.
“Edon Zhegrova mbase do të magjepste me lojën e tij buzë Detit tüe Zi. Magjinë që qëndron në shputat e tij e njohin në Bazel. Se ai ndoshta pikërisht për këtë arsye është i dashuruar në topin dhe me këtë gjë ndodh t`i zemërojë bashkëlojtarët dhe publikun, dihet po ashtu”, fillon shkrimi në gazetat zvicerane. Por ajo që nuk do të donim ta dinim dhe megjithatë na e bëjnë të ditur është se: sporti ka të bëjë shumë me politikën. Sepse sportisti profesionist Edon Zhegrova nuk do të mund të shkëlqejë buzë Detit të Zi kur FC Basel të enjten nga ora 16.50 do të luajë në kualifikimet për Europa League dhe me një fitore mund ta sigurojë vendin e parë në grup, transmeton albinfo.ch. Zhegrovës, për shkak të prejardhjes së tij kosovare, autoritetet ruse nuk i kanë dhënë vizën.
Sulmuesi anësor i rritur në Gjermani ka pasaportë kosovare, përcjell albinfo.ch. Kjo gjë ndodh në rrethanat kur qeveria ruse historikisht ashtu si dhe aktualisht i qëndron afër Serbisë, e cila vazhdon të ketë pretendime për territorin e Kosovës. Te “vëllai i madh” sllav serbët njohin aleatin e tyre më të ngushtë, gjë që ndër të tjera dëshmohet me faktin se Rusia hyn në mesin e atyre shteteve që nuk e njohin pavarësinë e Kosovës. Së bashku me Kinën, rusët, duke përdorur të drejtën e Vetos pengojnë pranimin e Kosovës në OKB.
Ndër lojtarët që do të mungojnë në ndeshjen kundër Krasnodar-it janë edhe dy shqiptarë: Taulant Xhaka dhe Tician Tushi. Por ata nuk e kanë problemin e pasaportës.
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri