Rusët do të paguajnë 45 euro më shumë për të hyrë në BE

pixabay

Bashkimi Evropian po propozon ta bëjë më të shtrenjtë dhe më të vështirë për qytetarët rusë marrjen e vizave.

Rusët që dëshirojnë të hyjnë në vendet e BE-së, do të përballen me një proces më të gjatë aplikimi dhe me rritje të tarifave nga 35 në 80 euro.

Komisioni i BE-së deklaroi se kjo duhet të vazhdojë për sa kohë që Moska do të vazhdojë agresionin ushtarak në Ukrainë.

Më shumë se një milion rusë kanë udhëtuar në vendet e Unionit që nga pushtimi i Ukrainës në shkurt.

Margaritis Schinas, një nënkryetar i Komisionit të BE-së, tha se Moska kishte “minuar plotësisht” besimin mbi të cilin bazohej marrëveshja ekzistuese e vizave BE-Rusi.

Ky vendim vjen pasi javën e kaluar ministrat e jashtëm të BE-së ranë dakord në parim për të pezulluar marrëveshjen e vizave me Moskën./BBC