Kosova
Rufki Suma ndalon punimet e BechtelEnkas, Pal Lekaj kërkon fillimin e punimeve
Punimet gjatë natës, zhurma e krijuar nga kamionët të cilët bartin material me ton, dëmtimi i pronës private dhe i asaj publike janë disa nga arsyet që Kryetari i Komunës së Hanit të Elezit ka vendosur që të shkëpus lidhjet bashkëpunuese me kompaninë e ndërtimit të rrugëve, Bechtel & Enka.
Në një njoftim gjatë ditës së djeshme vetë Komuna e Hanit të Elezit ka njoftuar se orët e vona të natës së 11 tetorit, kjo komunë i ndërpret punimet e Bechtel- Enkas.
“Për shkak të dëmtimit të pronës publike dhe private, mbylljes së disa rrugëve ekzistuese dhe zhurmës së madhe gjatë natës nga ana e kompanisë Bechtel-Enka e cila po realizon projektin e autostradës Prishtinë-Hani i Elezit, komuna e Hanit të Elezit ka vendosur të ndërpres komunikimin dhe bashkëpunimin me kompaninë Bechtel Enka”, thuhet në reagimin e komunës.
Ndërprerja e punimeve sipas njoftimit nuk erdhi pa pasur paralajmërime, shkruan Albinfo.ch.
Në njoftim theksohet se ‘Kryetari i komunës se Hanit te Elezit, Rufki Suma, pas disa paralajmrimeve dhe kërkesave drejtuar kompanisë Bechtel-Enka për riparimin e dëmeve, rihapjen e rrugëve të mbyllura, ndotjen dhe degradimin e ambientit, me dt. 11.10.2018 ju drejtua me një letër Drejtorit gjeneral të kompanisë Bechtel-Enka, z.Riadh Alkhazraji të cilin e njoftoi me vendimin për ndërprerjen e bashkëpunimit të mëtutjeshëm dhe për riparimin e dëmeve të shkaktuara’.
Po të njejtën ditë, në orët e vona të natës, pas orës 23:00, kryetari Suma i shoqëruar nga drejtori i Shërbimeve Publike, Refet Kalisi, dolën ne vendpunishte të autostradës në territorin e komunës së Hanit të Elezit dhe ndërprenë punimet e kompanisë Bechtel Enka për shkak të punimeve që bëheshin në orët e vona të natës me çka pengohej jeta normale e qytetarëve nga zhurma që krijohej, shkruan Albinfo.ch
Komuna ka kërkuar nga ana e kompanisë së ndërtimit, të riparojë të gjitha dëmet e shkaktuara në pronat publike komunale dhe ato private të pa shpronësuara, osë në të kundërtën komuna e Hanit te Elezit, nuk do të lejojë këtë kompani të shfrytëzoj pronën publike komunale.
Pas në vendimi të tillë e duke mos u konsultuar me Qeverinë e Kosovës, ku kjo e fundit para disa muajsh kishte vendosur që për shkak të disa mosmarrëveshjeve mes kompanisë së ndërtimit dhe qeverisë në kohën e qeverisjes Mustafa, ta shpërblej Bechtel & Enkan me 53 milion euro bonus si mungesë për mjete, ka reaguar ministri i Infrastrukturës, Pal Lekaj.
Ndalimin e punimeve të autostradës “Arbën Xhaferi”, ministri Lekaj e ka quajtur keqardhje, shkruan Albinfo.ch.
“Është për keqardhje kur dëgjon se një projekt gjigant infrastrukturor që është në fazën e finalizimit, po pengohet. Autostrada “Arbën Xhaferi” që përveç lehtësimit të qarkullimit të qytetarëve, ka ndikim pozitiv edhe në ekonominë e vendit, nuk guxon të përballet me të tilla ndalesa të organizuara për qëllime personale”, ka shkruar Lekaj në një postim në faqen zyrtare të tij në “Facebook”.
Sipas ministrit Lekaj, Komuna e Hanit të Elezit duhet t’i gëzohet realizimit të këtij projekti, për të mirën e vendit.
Të ngjashme
Të tjera nga Kosova
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Cila është vaksina e rriqrave në Austri dhe a duhet ta merrni atë? Me rritjen e temperaturave dhe fillimin e sezonit të rriqrave, cila është vaksina e Austrisë ndaj...
-
Si të mos ‘përplaseni’ nga një tren austriak i mbipopulluar?
-
Çfarë më lejohet të bëj në ballkonin tim në Austri?
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?