Ruag do të montojë më pak avionë luftarakë F-35

Ruag ka mundësi që të jetë në gjendje të montojë vetëm tre avionë luftarakë në vend të katër sa ishte planifikuar

Kontraktori i industrisë ushtarake të Zvicrës, Ruag do të jetë në gjendje të montojë më pak avionë luftarakë F-35 në Zvicër sesa ishte planifikuar. Hulumtimi i realizuar nga Radio SRF zbulon se Ruag ka mundësi që të jetë në gjendje të montojë vetëm tre avionë luftarakë në vend të katër sa ishte planifikuar, tranmseton albinfo.ch.

Sipas hetimit të SRF, arsyeja kryesore për uljen e këtij numri është kostoja. Prodhuesi Lockheed Martin thuhet se nuk është i gatshëm të financojë montimin e katër avionëve luftarakë në Zvicër.

Kryetari i kompanisë Ruag, Jürg Rötheli, deklaroi në programin e lajmeve të së shtunës të SRF se negociatat e kontratës janë ende në vazhdim.

Kompania shtetërore synon të zhvillojë ekspertizë në montim në mënyrë që më vonë të mirëmbajë flotën zvicerane F-35 dhe potencialisht edhe avionë luftarakë të huaj.

---