Lajme
Rritet përqindja e zviceranëve që nuk i takojnë asnjë bashkësie fetare
Përqindja e njerëzve pa një konfesion të caktuar është rritur për tetë pikë përqindjeje midis vitit 2010 dhe 2018
Më shumë se një e katërta e popullsisë zvicerane, plot 28% është jofetare, gjegjësisht nuk është pjesë e asnjë konfesioni, prandaj nuk i përket asnjë bashkësie fetare. Zyra Federale e Statistikave e ka nxjerrë këtë përqindje bazuar në anketimet e saj, shkruan srf.ch.
Përqindja e njerëzve pa një konfesion të caktuar është rritur për tetë pikë përqindjeje midis vitit 2010 dhe 2018, transmeton albinfo.ch. Gjatë të njëjtës periudhë, përqindja e protestantëve ka shënuar një ulje prej pesë për qind, duke rënë në rreth 24 për qind në gjithë popullatën zvicerane.
36 për qind e popullsisë i përkasin Kishës Katolike Romake. Edhe përqindja e tyre ka shënuar një rënie, por, me vetëm tri pikë të përqindjes gjatë periudhës së përmendur 2010-2018. Në këtë shkallë, katolikët janë dukshëm më të shumtë se protestantët, me të cilët më parë kishin një raport më të nivelizuar sa i përket përqindjes.
Sipas gjendjes së tashme, protestantët nuk janë më në vendin e dytë të listës, përcjell albinfo.ch. Para tyre tani janë njerëzit pa konfesion.
Nga ana tjetër, përqindja e popullsisë myslimane është rritur me një për qind, duke arritur në pesë për qind. Me fjalë të tjera, në viti 2010 myslimanët përbënin 4% të popullatës së gjithmbarshme.
Besimi hebraik mbetet pa ndryshime. 0.2 për qind e popullsisë zvicerane ka këtë besim.
Statistika më e re tregon dallime të mëdha të përqindjes së njerëzve pa besim fetar në mes të qytetit dhe fshatit, transmeton albinfo.ch. Kështu, në qytetet e mëdha si Cyrihu dhe Bazeli, në vendin e parë për nga përqindja janë njerëzit pa konfesion dhe jo ata të besimit katolik. Në Bazel madje, çdo i dyti qytetar është shprehur si i pakonfesion.
Të ngjashme
Të tjera nga Lajme
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?