Rritet në 589 numri i viktimave nga tërmeti në Venezuelë

Autoritetet njoftojnë edhe për 2,980 të plagosur, ndërsa operacionet e kërkim-shpëtimit vazhdojnë.

Bilanci i viktimave nga tërmeti shkatërrues në Venezuelë ka shkuar në 589, sipas të dhënave më të fundit të publikuara nga autoritetet, përcjell albinfo.ch. 

Presidentja në detyrë, Delcy Rodríguez, bëri të ditur se përveç viktimave, edhe 2,980 persona kanë mbetur të plagosur si pasojë e katastrofës natyrore, raporton BBC.

Më herët gjatë ditës ishte raportuar për 235 viktima, ndërsa numri është rritur ndjeshëm pas operacioneve të vazhdueshme të kërkim-shpëtimit në zonat e goditura.

Autoritetet venezueliane kanë paralajmëruar se bilanci mund të ndryshojë edhe më tej, pasi ekipet e emergjencës vazhdojnë punën për gjetjen e të mbijetuarve dhe vlerësimin e dëmeve të shkaktuara nga tërmeti./Albinfo.ch

---