Rita Ora merr rol në thrillerin kriminal “He Bled Neon”

Filmi i ri me temë krimi, ku luajnë edhe Marshawn Lynch dhe Paul Wesley, do të shfaqet premierë në SXSW 2026.

Shqiptarja me famë botërore, Rita Ora, do të jetë pjesë e filmit të ri kriminal “He Bled Neon”, ku luajnë gjithashtu ish-ylli i futbollit amerikan, Marshawn Lynch, dhe aktori Paul Wesley. Projekti është prodhuar nga XYZ Films dhe drejtuar nga regjisori Drew Kirsch.

Premiera botërore e filmit pritet të zhvillohet më 16 mars 2026 në kuadër të SXSW Film & TV Festival. “He Bled Neon” është një thriller me shumë aksion, që ndjek historinë e Ethan, i luajtur nga Joe Cole, i cili kthehet në Las Vegas pas vdekjes misterioze të vëllait të tij, rol ky i interpretuar nga Paul Wesley. Gjatë hetimeve, ai ribashkohet me miqtë e vjetër, përfshirë personazhet e luajtura nga Rita Ora dhe Marshawn Lynch.

Ngjarja zhvillohet brenda 48 orëve dhe e zhyt protagonistin në një botë të rrezikshme krimi, plot tension dhe vendime të vështira. Në film luajnë gjithashtu aktorët Ismael Cruz Córdova dhe Josh Holloway, ndërsa muzika e tij është realizuar nga producenti dhe artisti ZHU.

Ky projekt shënon një kombinim të fuqishëm të talentit ndërkombëtar dhe të atmosferës intensive të thrillerit, duke e bërë filmin një nga premiera më të pritura të vitit 2026./Albinfo.ch

 

---