Riorganizohet shoqata Skivjani në Zvicër

Pas shumë përpjekjeve, qytetarët skivjanas në Zvicër dhe jashtë saj, janë mbledhur sërish, duke shprehur gatishmërinë dhe vullnetin për riaktivizimin e shoqatës Skivjani.

Riaktivizimi i Shoqatës ka për synim: Përkrahje financiare për zhvillimin, mirëmbajtjen dhe mbështetjen e infrastrukturës së fshatit Skivjan, Mbështetje financiare e materiale për KF „Rilindja e Kosovës” të fshatit Skivjan, Mbështetje financiare të aktiviteteve kulturore në fshatin Skivjan, Angazhimi për ruajtjen e traditës dhe vlerave të fshatit Skivjan, Organizimin e takimeve të përbashkëta në Zvicër, BE, SHBA, vende të tjera si dhe në vendlindje me qëllim të mbështetjes së aktiviteteve të përbashkëta ndërmjet bashkëqytetarëve të emigruar dhe banorëve vendas të fshatit Skivjan, shkruan albinfo.ch.

Në këtë Kuvend të mbajtur më 28 prill është përcaktuar anëtarësia vjetore prej 200 franga në vit, si dhe ka zgjedhur kryesinë e Shoqatës, ku kryetar është zgjedhur Bashkim Kasumaj, nënkryetar Avni Nezaj, sekretar Shkodran Jakupi dhe anëtarët e kryesisë Beg Bushati dhe Arsen Shoshi.

Skivjan është fshat në Komunën e Gjakovës.