Rezultatet paraprake të zgjedhjeve në Turqi

@unsplash

Turqia ka mbyllur procesin e votimit për zgjedhjet lokale në orën 16:00, ndërsa po vijon procesi i numërimit në 81 provinca.

Kryetari i Këshillit të Lartë të Zgjedhjeve të Turqisë (YSK), Ahmet Yener, ka folur për procesin e zgjedhjeve.

“Procesi i votimit, në të cilin 61 milionë e 441 mijë e 882 votues kanë votuar në 207 mijë e 848 kuti votimi, ku konkurrojnë 34 parti politike, ka përfunduar pa probleme, përveç disa incidenteve të izoluara. Proceset e numërimit dhe dokumentimit të votave kanë filluar dhe informacioni i rezultateve të kutive të votimit ka filluar të futet në sistem, me rrjedhën e të dhënave që vazhdon”, ka thënë ai, raporton TRT.

Ndërkaq, nga rezultatet paraprake partia e Recep Tayyip Erdogan rezulton forcë e dytë në Turqi, e po ashtu dhe në Stamboll, Ankara dhe Izmir, transmeton albinfo.ch.

Rezultatet paraprake deri në orën 21:20 me orën lokale:

CHP: 38.55% të votave në Turqi, 50.18% në Stamboll, 58.43% në Ankara, 47.97% në Izmir

AK: 37.14% të votave në Turqi, 41.8%  në Stamboll, 33.91% në Ankara, 37.16% në Izmir.