Integrimi
Reperi shqiptar qëllon me armë në ajër: «Është traditë jona»
«Ne po festonim një dasmë dhe unë kam shtënë me revole. Kjo eshtë traditë jona, e pse pra të mos e bëja», ka thënë reperi
Reperi Mërgim «Tenka» Tolaj me emrin artistik «Big Papi» nga Bazeli natën e Vitit të Ri ka publikuar në instagram një video ku shihet duke shtënë disa herë me revole në ajër. «Janë të shtëna gëzimi për festë, diçka që është traditë», është arsyetuar ai, shkruan 20minuten.ch. Videon e njëjtë e kishte publikuar ai edhe për festën e Kurban Bajramit, nga fundi i shtatorit, duke u uruar të gjithëve një festë të bukur.
Reperi kundërshton që xhirimi të jetë bërë në Zvicër. Thotë se verën e kaluar ka qenë në vendlindjen e tij, në Deçan dhe atje është bërë videoja, transmeton albinfo.ch. «Ne po festonim një dasmë dhe unë kam shtënë me revole. Kjo eshtë traditë jona, e pse pra të mos e bëja», ka thënë reperi.
Pyetjes nëse ka menduar se mund të lëndonte dikë, ai i është përgjigjur me «jo, pasi që ne nuk shtiejmë në grumbullime njerëzish dhe as në qytet». Ai po ashtu nuk ka ndonjë problem se mund të shërbejë si shembull i keq për ndjekësit e tij në facebook dhe në instagram. «Unë nuk jam gangster-reper. Ishte vetëm një revole me gaz dhe jo e vërtetë. Askush nuk mund të lëndohet nga kjo».
Por, ndryshe mendon Hanspeter Krüsi, zëdhënës i policisë së Kantonit St. Gallen. «Në video shihet një revole me municion të vërtetë ose frikësues. Pra bëhet fjalë shumë qartë për një armë zjarri dhe jo për një armë me gaz ose ajrore. Por, edhe nëse do të ishte armë ajrore apo me gaz, nuk është e vërtetë se ajo nuk shkakton lëndime. Nga secila armë, varësisht nga distanca prej të cilës qëllohet, mund të vijë rreziku.
Më tutje gazeta përkujton se në Kosovë, si pasojë e kësaj «tradite» festive për çdo vit plagosen ose edhe vdesin persona të pafajshëm, përcjell albinfo.ch. Vetëm në festimet e vitit të ri janë plagosur së paku një fëmijë dhe një i rritur.
http://www.20min.ch/schweiz/news/story/Basler-Rapper-provoziert-mit-Pistolen-Schuessen-10214468
Të ngjashme
Të tjera nga Integrimi
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?