Prokuroria në Shqipëri kërkon rikthimin në burg të ish-luftëtarit të UÇK-së, Dritan Goxhaj

Mediat në Shqipëri po raportojnë me burime se Prokuroria ka kërkuar rikthimin e Goxhajt në burg dhe ekzekutimin e kërkesës së Gjykatës Speciale të Kosovës për ekstradimin e tij për në Hagë.

Shorti ka caktuar gjyqtar Ilir Pandën për shqyrtimin e kësaj kërkese nga Gjykata e Lartë, mirëpo s’dihet data apo orari i seancës gjyqësore.

Ish-luftëtari i UÇK-së u arrestua më 31 korrik të vitit të kaluar me urdhërarrest të lëshuar nga Gjykata Speciale e Kosovës.

Ai u akuzua se ka nxjerrë emrat e dëshmitarëve në disa çështje të hapura më parë nga Prokuroria Speciale e Kosovës, të cilat Goxhaj i mohoi gjatë procesit gjyqësor.