QKMK: Është normalizuar qarkullimi nëpër pikëkalimet kufitare me Serbinë

Qendra Kombëtare për Menaxhim Kufitar ka bërë të ditur se është normalizuar qarkullimi nëpër të gjitha pikëkalimet kufitare me Serbinë.

Njoftimi vjen pas thirrjes që është bërë dje që qytetarët, të cilët planifikojnë të udhëtojnë përmes pikëkalimeve kufitare me Serbinë, sot të përdorin pika të tjera për qarkullim, transmeton albinfo.ch.

QKMK- ja pati theksuar se ky njoftim vlen deri në një njoftim tjetër, ndërsa tani është konfirmuar se gjendja nëpër pika kufitare është normalizuar.

“Njoftim me rëndësi! Njoftohen të gjithë qytetarët se është normalizuar qarkullimi në PKK me Serbinë. Nëse keni nevojë për informim shtesë, kontaktoni numrat e telefonit në QKMK 045198000, 045198606 dhe pa pagesë 080050095”, thuhet në njoftimin e QKMK-së.