Lajme
Qeveria e Zvicrës shton edhe 100 milionë franga për sigurimin e vaksinës
Siç është raportuar tashmë, qeveria kohë më parë kishte aprovuar një buxhet fillestar prej 300 milionë frangash për këtë destinim
Në mënyrë që të garantojë qasjen e shpejtë të popullatës zvicerane për një vaksinë efektive Covid-19, Këshilli Federal ka vendosur sot të rrisë kredinë për blerjen e saj, duke shtuar edhe 100 milionë franga, njofton srf.ch.
Siç është raportuar tashmë, qeveria kohë më parë kishte aprovuar një buxhet fillestar prej 300 milionë frangash për këtë destinim.
Për shkak se nuk mund të thuhet ende me siguri se cilat vaksina, të cilëve prodhues do të jenë atio që përfundimisht do të mbizotërojnë, qeveria federale po mbështetet në disa prodhues, ka njoftuar ajo sot, përmes ministrit të shëndetësisë, Alain Berset, transmeton albinfo.ch.
Që të mund të zbatojë këtë strategji të prokurimit dhe të jetë në gjendje të lidhë kontrata të tjera rezervimi, Këshilli Federal tani ka rritur kredinë për vaksinat me 100 milionë franga shtesë.
Paraprakisht, Qeveria Federale tashmë ka nënshkruar kontrata me dy prodhues të vaksinave. Ajo kështu ka siguruar qasje në 4.5 milionë doza vaksinash në kompaninë Moderna. Po ashtu qeveria pati rënë dakord për shpërndarjen e deri në 5.3 milionë dozash të vaksinës me kompaninë farmaceutike britanike AstraZeneca.
Përveç kësaj, Zvicra ka pjesëmarrje në iniciativën ndërkombëtare COVAX, një program global i blerjes për të prokuruar vaksinat Covid-19 për deri në 20 për qind të popullsisë.
Në konferencën e sotme për media, ministri Berset u është përgjigjur pyetjeve lidhur me mënyrën e shpërndarjes eventuale të vaksinës, kur ajo të sigurohet, transmeton albinfo.ch. Ai ka thënë se nuk do të ketë vaksinim të detyruar dhe ka siguruar se Zvicra nuk do të marrë asnjë vaksinë pa u garantuar se ajo ka kaluar të gjitha fazat e nevojshme për përdorim të sigurt
Të ngjashme
Të tjera nga Lajme
E-Diaspora
-
9-vjeçarja Moda Ademi performoi në koncertin Rock Pop Jazz Night Para një pjesëmarrje të madhe të publikut, 9-vjeçarja shqiptare, Moda Ademi, performoi në koncertin Rock Pop...
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave
-
Shqipja në Zvicër, pak histori dhe disa probleme aktuale
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
Jeta në Austri
-
80 vjedhje, 560 mijë euro dëm: Arrestohen katër shqiptarë në Austri Sipas policisë, në shumicën e vjedhjeve të banesave, viktimat kanë qenë të pranishëm dhe në gjumë...
-
Austri: Ministri i Brendshëm kërkon dëbimin në Kosovë të kriminelëve nga vendet e treta
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri