Punëtorët e administratës së gjyqësorit duan rritje të pagave

Sipas kryetarit të Sindikatës së Judikaturës, Asllan Rusinovci, greva do të zgjasë deri në realizimin e kërkesave të tyre, që janë rritja e pagave për 100 për qind dhe rregullimi i statusit të rreth 2 mijë punëtorëve administrativë.

Ashtu siç ishte paralajmëruar ditë më parë punëtorët e administratës së Gjykatave e Prokurorive kanë nisur grevën e përgjithshme në mbarë vendin. Sipas kryetarit të Sindikatës së Judikaturës, Asllan Rusinovci, greva do të zgjasë deri në realizimin e kërkesave të tyre, që janë rritja e pagave për 100 për qind dhe rregullimi i statusit të rreth 2 mijë punëtorëve administrativë.

Sipas Rusinovcit, me rritjen e fundit të pagave për gjyqtarë e prokurorë, është bërë dallim i madh në paga. Greva do të mbahet çdo ditë gjatë tërë orarit të punës. Ndërsa, ministri i Drejtësisë, Abelard Tahiri, dhe kryesuesi i KGJK-së, Nehat Idrizi, kanë anuluar vizitën e paralajmëruar për në Gjykatën Themelore në Ferizaj, siç thuhet për shkak të agjendës së ministrit.