Lajme

Psikiatërit, të shqetësuar për shëndetin mendor të të rinjve zviceranë

Problemet e shëndetit mendor janë të përhapura në mesin e fëmijëve dhe adoleshentëve për shkak të Covid-19, me djemtë që priren të shtypin problemet, ndërsa vajzat janë të prirura për depresion, thotë presidenti i Shoqatës së psikiatërve të të rinjve në Zvicër, përcjell albinfo.ch.

Oliver Bilke-Hentsch tha të martën se vajzat në veçanti mund të bien në një gjendje të pakuptimtë, kur humbasin aspiratat dhe interesin për të mësuar.

“Ky fenomen është rritur shumë gjatë pandemisë”, tha Bilke-Hentsch, i cili shtoi se problemet më pas përfshijnë çrregullimet e të ngrënit ose çrregullimet e stresit posttraumatik, për shembull, pas një vdekjeje të lidhur me Covid-19 në familje.

Djemtë shpesh i shtypin problemet në aktivitete, si lojërat apo pirja e duhanit të kanabisit, tha psikiatri. Prindërit dhe mësuesit duhet të kenë kujdes për shenjat paralajmëruese, si apatia, depresioni, nervozizmi ose sjellja tepër impulsive, tha ai.

Të rinjtë që bëhen dukshëm të qetë ose të frikësuar janë veçanërisht të prekshëm, si dhe ata që janë vazhdimisht në mediat sociale, ku krahasojnë jetët e tyre me ato të heronjve të tyre, tha Bilke-Hentsch, përcjell tutje albinfo.ch.