Protestat e reja në Francë

EPA/MOHAMMED BADRA

Edhe e shtuna mblodhi më shumë se 2 mijë njerëz në Paris, përkundër që gjykata vendosi të ndalojë tubimet.

Marshimi u bë në përkujtim të vdekjes së Adama Traore në vitin 2016 sa ishte në paraburgim nga policia. Në të gjithë Francën u zhvilluan marshime të tilla kundër brutalitetit të policisë dhe profilizimin racor, shkruan DW.

Rreth 5,900 njerëz dolën në rrugë anembanë vendit, tha Ministria e Brendshme franceze.

Ndërkohë, Ministria e Jashtme e Francës hodhi poshtë akuzat për racizëm strukturor të bëra nga Komiteti i OKB-së për Eliminimin e Diskriminimit Racor (CERD).

Një gjykatë kishte vendosur se mundësia e trazirave ishte shumë e lartë për të lejuar që marshimi i së shtunës në kryeqytetin francez të vazhdonte, përcjell albinfo.ch.

“Qeveria ka vendosur të hedhë benzinë zjarrit (dhe) të mos respektojë vdekjen e vëllait tim të vogël”, tha ajo.

Ajo tha se mori pjesë në mitingun të shtunën pasdite për t’i thënë “të gjithë botës se të vdekurit tanë kanë të drejtë të ekzistojnë, edhe në vdekje”, shkruan DW.

Policia tha se kundër Assa Traore ishte hapur një çështje ligjore për organizimin e ngjarjes.

Midis të pranishmëve në marshimin e ndaluar ishin ligjvënësi Jean-Luc Melenchon, i partisë së majtë Unbowed dhe Sandrine Rousseau, i Partisë së Gjelbër EELV. “Liritë publike po humbasin terren pak nga pak,” tha Rousseau, përcjell albinfo.ch.