Shqipëria

Profesoresha shqiptare nuk gjen punë në Shqipëri, kthehet në Francë

Shqiptarja Lorenca Bejko, e cila punon si asistente profesoreshë në një univeristet në Francë, ka treguar për përvojën e punësimit të saj jashtë Shqipërisë për Euronews, përcjell albinfo.ch.

Ajo tha se pasi përfundoi studimet në Francë, vendosi të kthehet në vendlindje. Me gjithë suksesin dhe vullnetin, ajo nuk mundi të punësohej në asnjë prej universiteteve në Shqipëri. Përkundër insistimit të saj dhe aplikimeve të shumta, asnjëherë nuk mori përgjigje. “Pas studimeve doktorale, jam shumë e lidhur me familjen dhe vendosa të kthehem në Shqipëri. Aplikova në Shqipëri në të gjitha universitetet në bazë të kritereve që ata kishin dhe nuk pata kurrë asnjë telefonatë”, shkruan Euronews, përcjell albinfo.ch.

Kështu, Bejko, e detyruar, vendosi të kthehej në Francë dhe ka siguruar punë si asistente profesoreshë me pagë 120 euro në orë. “Të paktën për mua që jam asistent profesoreshë, pasi ky është pozicioni i parë që t’i merr pas studimeve doktorale, në Francë ke një rrogë rreth 120 euro në orë, në krahasim me 5 mijë lekë apo 10 mijë lekë që paguhet një asisten profesor në Shqipëri. Është vlerësim kur merr 120 euro në orë, ama dhe konkurrenca është më e lartë”, tha ajo për Euronews, përcjell albinfo.ch.