Pritje deri në 40 minuta në Dheu i Bardhë, ja gjendja në pikat kufitare

Pritjet më të gjata regjistrohen në Dheu i Bardhë dhe Merdarë

Qarkullimi në shumicën e pikëkalimeve kufitare të Kosovës po zhvillohet pa vonesa të mëdha, ndërsa pritjet në pjesën më të madhe të tyre janë vetëm 3 deri në 5 minuta, si në hyrje ashtu edhe në dalje, përcjell albinfo.ch.

Sipas të dhënave të fundit të Qendrës Kombëtare për Menaxhim Kufitar, pritjet më të gjata janë regjistruar në pikën kufitare Dheu i Bardhë, ku qytetarët po presin deri në 40 minuta për hyrje, ndërsa rreth 15 minuta për dalje.

Vonesa të konsiderueshme janë raportuar edhe në Merdarë, ku pritjet në dalje arrijnë 30 deri në 40 minuta, ndërsa hyrja zhvillohet brenda 3 deri në 5 minutave.

Në Jarinjë, pritjet janë 5 deri në 10 minuta për hyrje dhe 15 deri në 20 minuta për dalje, ndërsa në Hanin e Elezit qarkullimi zhvillohet me pritje prej rreth 10 minutash në të dy drejtimet.

Në të gjitha pikat e tjera kufitare, përfshirë Bërnjakun, Glloboçicën, Kullën, Muçibabën, Mutivodën, Qafën e Morinës, Qafën e Prushit, Stançiqin dhe Vërmicën, pritjet për hyrje dhe dalje mbeten nga 3 deri në 5 minuta, pa kolona të gjata apo vonesa të konsiderueshme. /Albinfo.ch

---