Maqedonia
Pritet vendim i ri për masat kufizuese në Maqedoninë e Veriut
Në Maqedoninë e Veriut masat ekzistuese për kufizim të lëvizjes dhe kufizime të tjera dhe masat për mbrojtjen personale kundër covid-19 përfundojnë nesër, ndërsa sot Komisioni për Sëmundjet Infektive pritet të analizojë situatën epidemiologjike, pas së cilës do të vendoset nëse do të ketë masa të reja gjatë festave vijuese, Bajramit dhe Pashkëve.
Në këtë shtet ka trend në rënie të numrit të të infektuarve dhe numrit të të hospitalizuarve, siç u njoftua javën e kaluar, Shtabi i Krizave do të shqyrtojë opsionin e hapjes së tarracave dhe kopshteve të objekteve hotelierike, ndërsa ora policore, në vend se në orën 20:00, të fillojë nga ora 21:00 dhe pjesërisht të lejohen treningjet në qendrat e fitnesit dhe në hapsirë të jashtme. Masat do të hyjnë në fuqi nga 27 prill deri më 15 maj.
Nga Shtabi i Krizave javën e kaluar theksuan se masat e propozuara të Komisionit për Sëmundjet Infektive do të shqyrtohen vetëm nëse do të ruhen trendet në rënie të numrit të infektuarve të rinj dhe të hospitalizuarve, për të cilët respektimi i masave personale për mbrojtje kundër kovid-19 dhe protokollet aktive janë thelbësore për operimin në kushte pandemie.
Sipas ministrit të Shëndetësisë, Venko Filipçe, situata me epideminë është në një trend rënës, ndërsa masat kanë dhënë rezultate.
Sidoqoftë, ai theksoi se përvoja na ka treguar situara mund të destabilizohet shumë shpejt nëse nuk respektohen masat.
“Para nesh vijojnë festat, ditët e lira dhe kohë e bukur. Le t’i shfrytëzojmë ato me përgjegjësi, të mos grupohemi dhe të mos i shkelim masat e mbrojtjëse”, njoftoi Filipçe dje në profilin e tij në Facebook.
Sipas të dhënave të publikuara dje nga Instituti për Shëndet Publik, u regjistruan 314 raste të reja me kovid-19, 27 të vdekur dhe 557 pacientë të shëruar. Numri i rasteve aktive në vend është 16.858, prej të cilëve 7.597 janë në Shkup.
Në repartet infektive në Shkup dhe spitalet në qytete të tjera kurohen 1.507 pacientë pozitivë dhe të dyshimtë për koronavirus, nga të cilët 587 pacientë janë në Shkup.
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Austri
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku Lidhja Demokratike e Kosovës organizon takim informues me Eurodeputetin Lukas Mandi, kandidat në zgjedhjet EU2024 që...
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa
-
Lukas Mandl kërkon votën e shqiptarëve në Austri
-
Kapet pas disa vitesh vjedhësi serik shqiptar, “e tradhtojnë” këpucët
-
Dy të vdekur nga orteku në Austri